MUONE RIHANNA AKIWA NA VAZI LA FULL JEANS

ANGALIA HII FASHENI YA UCHOKOZI YA RIHANNA WAKATI AKIFANYA MANUNUZI

RIHANNA alifanya "window shopping" na kuingia katika maduka kadhaa wakati akiwa matembezini mjini Beverly Hills, California.

Huku akiwa ameambatana na shostito wake Melissa Forde, nyota huyo wa muziki alionekana akiwa amependeza kinoma katika vazi lake la jeans -- shati na sketi fupi, ambayo imetobolewa kwa nyuma ili kuwatega watu.

Rihanna kwa sasa yuko katikati ya ziara yake ya Diamonds ambayo itamalizika Oktoba.

ANGALIA PICHA ZA OTILIA WA EXRA BONGO AKIMTOMASA MWENZAKE

OTILIA ANASWA AKIMTOMASA KIMAHABA MNENGUAJI MWENZAKE AMBAYE NAYE NI MWANAMKE

MWANAMUZIKI wa Bendi ya Extra Bongo ‘Wazee wa Kizigo’, Otilia Boniface amenaswa  akiwa akimtomasa  kimahaba   mnenguaji mwenzake ambaye jina lake halikupatikana mara moja.

Otilia alinaswa juzikati katika Ukumbi wa Meeda kulikokuwa na onesho la bendi hiyo ambapo yeye na mwenzake huyo walinaswa nyuma ya steji wakitomasana  na  kupigana  busu   mithili ya mume na mke, hali iliyosababisha mshangao mkubwa

 “Mwenzangu mimi ndiyo dada yenu mnapoingia kwenye bendi lazima niwapokee vizuri na nimeshawapokea wengi sana hivi ndiyo ninawakaribisha,” Otilia alisikika akimwambia mnenguaji huyo.

ANGALIA BED ROOM YA MTOTO WA UHURU KENYATA

HAPA NDIPO ANAPOLALA MTOTO WA RAISI WA KENYA UHURU KENYATA

BI KIDUDE AFARIKI DUNIA HII LEO

Mwanamuziki maarufu na mwenye umri mkubwa kuliko nchini Tanzania, Bi Kidude, amefariki dunia leo hii akiwa Zanzibar, alikuwa anaumwa na alipowahishwa hospitali haikuwa rizki tena.

 Taarifa ya kifo chake ilitolewa na mpwa wake Baraka Abdulrahman Alisema Bi Kidude alifariki hospitalini kutokana na maradhi ya kisukari na uvimbe kwenye Kongosho.

Bi Kidude amekuwa katika fani ya muziki wa taarab ya kiasili pamoja na ngoma za unyago kwa zaidi ya robo tatu ya umri wake.

Katika miaka ya karibuni afya yake imekuwa ikizorota kiasi cha serikali ya Zanzibar kumzuia kupanda majukwaani kuburudisha japokuwa alionekana katika tamasha la Sauti za Busara mwezi Februari mwaka huu.

Mipango ya mazishi ya nguli huyu inafanywa nyumbani kwake Zanzibar.

Bi kidude akiwa na Prof Jay

                                           Fid Q akizungumzia jinsi alivyofanya collable na Bi kidude

TANGAZA HAPA

Je, unahitaji kutangaziwa biashara yako hapa kwenye blog yetu?

Wasiliana na idara ya masoko kwa
simu 0654741434

DIAMOND AMTENGENEZEA SKENDO WEMA...

 

Yaani kumbe hawa ndio michezo yao... haaaah!!! 

 

 

 Clip iliyosambaa inayomuhusisha Wema Diamond na Penny imefika ndani ya blog yako, clip ambayo inaonekana kurecodiwa kwa maksudi na Diamond pale alipopigiwa simu na Wema Sepetu jana usiku. Inasemekana Wema alimpigia simu Diamond usiku,lakini baada ya Diamond kupokea alimtaka kuacha drama na kumsisitizia kuwa sasa hivi anampenda Penny.

maongezi yako hivi 

Diamond: mi sikufanyii drama na wala sitaki drama yoyote, am inlove with penny we unajua hilo right?

Wema: yeah your inlove with penny and i i ... 

Diamond: sipendi kwasababu sipendezewi kwasababu mwisho wa siku itakuja kutuletea matatizo drama, nakujua kitu kidogo hukawi kukifanya kikubwa mji mzima na nini na nini sitaki.

Penny: hallo, which one is this? hallo hallo 

Wema: mmmh

Penny: hallo

Wema: mh 

Penny: we want to sleep mamy

Wema: heey my angle poa

Penny: baby wacha tulale ya?

Wema: mmh

Penny: wacha sisi tulale 

Wema: uko poa

Penny: niko poa mamy yangu, can you let us sleep now mmh, si hatutaki matatizo na wewe we usitake matatizo na sisi, lets just live one happy life

Wema: he told you am the one who is troubling him 

Penny: yeah but you are always trying to cause trouble wema, your always trying to cause trouble, when did you want something peaceful,when? i mean when he said look here, when he said, he is in love with me, i dont know, for some reasons i expected you to respect that, because all you have done is to bring us trouble, seriously, and all this things you do, they tell us kwamba wewe ndio unafanya, so lets just see......you sleep, us guys sleep, and act like this comversation never even happened, good night, good night, wema , wema (kimya)

Diamond: nadhani dishi wenyewe mmelisikia, haina haja ya kuongea sana, mmewasikiliza, tulikuwa niko mimi halima kimwana, na mke wangu hapa, mimi ndio nimepigiwa simu na wema nabembelezwa, bahati mbaya kakuta nambaya, pia nikampa baby aongee nae, kumjulisha jinsi gani niko inlove, asanteni sana nilikua narecord mi mwandishi wako Nasib Abdul Juma, nashkuru sana  sana

baada ya clip hiyo kuskika Sudy Brown alimpigia wema na kuongea nae juu ya hil..

Wema: Mi sijaongea na mtu jana, like us in aaah nimee no as in nimeambia halafu sikujua kama iko iko this big, kama wananichokoa wapate kiki, kwasababu wanaona kama hawana kiki then thats something else unajua eeh, kiki  watafute sehem nyingine sio kwa wema sepetu, sawa mi ninajijuwa me am a star, am a star like all over tanazania hakuna star kama mimi sawa eeh, kwahiyo kama wanaona kama wanaweza kupata kiki kwa kutokana mimi kama star because they are looking for names, thats fucked up owkey. Sudy mi nakuheshimu sana wewe na nnajiheshimu sana na mimi mwenye...........

sitaki kuanza kuchokonolewa kuanza kutengenezewa sijui vitugani, mi nimeskia tu kupitia bbm sijui  nimekaa tu kimya, am just quite na sijafanya kitu chochote am just quite, and am just going to stay quite, na usingenipigia simu mi ningeendelea kukaa kimya.

Sudy: skia bado unampenda Diamond?

Wema: Hapana siwezi kumpenda, wewe

kumtamani?

Siwezi

kwanini?

hasa wa kazi gani mi nishadili na Diamond and its done, haikuwa rizki kila mtu ameenda na mambo yake, am very very happy where iam......

Diamond nae alivutiwa waya, chezea Sudy wewe 

ile clip ilikuwa jana, jana kanipigia simu usiku naona simu yangu inaita aaah najiuliza nani, napokea aah akawa anibembeleza nini na nini yeah, mi nikamwambia wema mi nina mahusiano yangu sasa hivi..........uzuri nilikuwepo na baby pale pale, ili kesho na kesho kutwa asije kukataa, nilimrikodi mwanzi mwisho......

Sudy: Wema anasema we utakuwa unatafuta kiki

Diamond: mimi? mi nayeye nani anatafuta kiki, yeye si ndio kanipigia simu, ye ndo atakua anatafuta kiki ya kutaka kurudiana na mimi, kanipigia simu jana usiku akinibembeleza kurudiana na mimi ndio maana nikampa simu mke wangu nkamwambia ongea nae........

ANGALIA PICHA MBALIMBALI ZA WEMA SEPETU

KWA HIYO TUAMINI KUWA ULIMBOKA ALITEKWA NA MTU MMOJA?

 



USIKU wa kuamkia Juni 26, Mwenyekiti wa Jumuiya ya Madaktari, Dk. Steven Ulimboka, alitekwa na watu wasiojukikana kisha kumpiga na kumjeruhi vibaya na kumtelekeza katika Msitu wa Mabwepande, nje kidogo ya Jiji la Dar es Salaam.
Dk. Ulimboka alitekwa zikiwa ni siku tatu baada ya mgomo wa madaktari kuanza. Alikuwa na wenzake eneo la Leaders Club Wilaya ya Kinondoni.
Ni takriban miezi 10 tangu Dk. Ulimboka atekwe na kuteswa lakini ni mtuhumiwa mmoja pekee, Joshua Mulundi, ndiye ameshtakiwa kutokana na tukio hilo.
Tunatambua utaratibu wa Jeshi la Polisi kuwa suala hilo bado linaendelea kupelelezwa, lakini hoja yetu ni kwamba Dk. Ulimboka alitekwa na kuteswa na mtu mmoja?
Hofu yetu inatokana na jinsi tukio hilo linavyofanyiwa kazi. Dk. Ulimboka mwenyewe licha ya kutamka hadharani kuwa alitekwa na watu zaidi ya watatu na hata wengine kuwataja kwa majina, Jeshi la Polisi halijamhoji. Kuna siri na ajenda gani hapa?
Masuala ya utekaji na utesaji katika taifa letu yanaanza kuwa ya kawaida kwani baada ya tukio la Dk. Ulimboka na sasa Mwenyekiti wa Jukwaa la Wahariri (TEF), Absalom Kibanda, alifanyiwa unyama kama huo usiku wa Machi 6, mwaka huu.
Kwa mantiki ya kawaida, ni jambo la kushangaza kuona tangu tukio la Ulimboka lifanyike, ni mtuhumiwa mmoja pekee amefikishwa mahakamani, tena bila kukamatwa na Jeshi la Polisi bali alifikishwa huko baada ya walinzi wa kanisa moja kutilia shaka akili yake.
Dk. Ulimboka alikamatwa kwa nguvu na watu zaidi ya mmoja, akaingizwa kwenye gari kisha akapelekwa kusikojulikana na kufanyiwa unyama huo na baadaye akatelekezwa.
Je, haya yote yalifanywa na mtu mmoja pekee? Jeshi la Polisi kwa miezi 10 liko wapi? Ni kwanini limeendelea kupiga danadana katika suala hili?
Jeshi la Polisi linapaswa kumaliza utata huu kwa kumhoji Dk. Ulimboka na watuhumiwa wengine wote aliowataja kuhusika na kuteswa kwake ili liweze kujirejeshea uaminifu wake kwa raia.
Itaendelea kutia shaka endapo kesi ya mtuhumiwa Mulundi itabaki kupigwa kalenda kwa kisingizio cha upelelezi wa tukio hilo kuendelea kumbe hakuna watuhumiwa wengine wanaosakwa.
Tunasema hivyo kutokana na jeshi hilo makao makuu kutoa kauli za kukinzana na Kamanda wa Kanda Maalumu ya Dar es Salaam, Suleiman Kova.
Februari mwaka huu, Msemaji Mkuu wa Jeshi la Polisi, Advera Senso, aliliambia gazeti hili kuwa sakata la Ulimboka halikuundiwa kamati ya kulichunguza na kwamba hata hivyo hayo ni mambo ya mwaka jana, sasa wameingia mwaka mpya.
Wakati Senso akisema hivyo, Kova alisema kamati hiyo iliyoundwa kuchunguza suala hilo ilimaliza kazi yake na kuwasilisha ripoti katika ngazi ya juu na baadaye IGP Said Mwema alisema sakata la Ulimboka ni siri ya taifa.
Kwa kauli hiyo ya Mwema, ni wazi kuwa hakuna kinachoendelea tena katika sakata la kutekwa na kuteswa kwa Dk. Ulimboka. Hivyo yafaa umma ukafahamu kama alitekwa na mtu mmoja pekee.

WAPAGANI WALIPOANZIA HADI LEO INASEMEKANA TANZANIA PIA WAPO...

`WICCA:   Dhehebu la wapagani wanaodai wamezaliwa upya!`

"Mwanzilishi wake ni Mmarekani aitwaye Terry aliyeasi toka Kanisa la Wanazarini"

MJI wa Jonesboro upo katika jimbo la Arkansas huko Marekani. Hapo ndipo yalipo makao makuu ya dhehebu jipya lililoanzishwa la Wicca.Dhehebu hili la kipagani limeanzishwa na Mmarekani aitwaye Terry mwenye umri wa miaka 38 akiwa ni mkazi aliyezaliwa na kukulia katika mji huo wa Jonesboro.

Imani ya kipagani ya "Wicca" inaaimini juu ya mambo ya asili ikiwa ni pamoja na uganga wa jadi, uchawi, ramli na nguvu za kimizimu zenye kutenda miujiza.

Hata hivyo jambo la kushangaza ni kuwa "Wicca"ambao pia hujiita "Born Again Pagans" yaani "wapagani waliozaliwa mara ya pili"wanadai kuwa wao ni Wakristo sawa na wengine isipokuwa wanaamini tu juu ya vitu vya asili.

Terry mwenyewe kabla ya kuasi mwaka 1993 na kuanzisha dhehebu hili la kipagani alikuwa ni muumini hodari wa dhehebu la kikristo linalojulikana kama "Nazarene Church"

Terry anadai kuwa aliamua kuachana na dhehebu la "Nazarene"na kuanzisha dini hii ya "Wapagani Waliozaliwa Upya"baada ya kupata maono ya miujiza kwa miaka 5 mfululizo.

Mji wa Jonesboro jimboni Arkansas Marekani umekuwa ni chimbuko la madhehebu mapya ya ajabu ajabu yapatayo 75. Kufuatia hali hiyo ya dini mpya kuzuka katika mji huo kila kukicha watu wameamua kuubatiza mji huo kwa jina la "Fort God" wakimaanisha ng’ome ya Mungu.

Muumini wa dhehebu hili la kipagani la ‘Wicca" linaloongozwa na Terry anapaswa kuwa na vifaa mbalimbali vya kichawi na kimizimu vinavyotumiwa na dhehebu hili wakati wa ibada.Vifaa hivyo vimekuwa ni pamoja na mifupa, vibuyu,rangi,chupa, vitabu maalum,ngoma, mishumaa, ubani, udi na uvumba.

Ili kuwarahisishia waumini wake upatikanaji wa vifaa hivyo, Terry amefungua duka kubwa la kuviuza jijini Jonesboro.

Lakini la kushangaza ni kuwa hivi karibuni duka hilo liliponea chupuchupu kufungwa baada ya mwenye nyumba kumjia juu Terry akimdai kodi.

Steven Griffin, anayemiliki nyumba ambamo Terry amefungua duka hilo alifoka kuwa "mimi siogopi miungu yako na ikifika kesho hujanilipa kodi yangu nitatupa bidhaa zako na kufunga nyumba yangu"

Kauli hiyo ya Griffin iliwapelekea Wamarekani kujihoji ikiwa kweli mizimu ya dhehebu hilo la wapagani waliozaliwa upya inayo nguvu kama kiongozi wao Terry anavyodai.

Terry, yeye kwa upande wake alidai kuwa Grriffin amehongwa na Kanisa la Nazarene alikokuwa akisali hapo awali kabla ya kuasi kusudi apate kutibua ustawi wa dhehebu la Wicca katika jiji la Jonesboro.

Lakini viongozi wa madhehebu kadhaa ya Kikristo huko Marekani wamelipinga dhehebu la "Wicca"vikali na kuliita kuwa la kishetani. Mmoja wa viongozi hao ni Mch. Gary Taylor wa Kanisa la United Christian ambaye anasema "Those kinds of things do not belong in a Christian community. I just don’t believe this is a religion" akimaanisha "Vitu vya aina hiyo havipo katika Ukristo. Kwa kifupi mimi siamini kama hii ni dini"

Dhehebu la Wicca kwa mujibu wa jarida la ‘Times" limepata kuhusishwa na mauaji ya kikatili ya wavulana 3 yaliyotokea huko West Memphis jimboni Arkansas. Wavulana hao maiti zao ziliokotwa sehemu zao za siri zikiwe zimenyofolewa.

Katika maandamano yaliyofanywa hivi karibuni na wafuasi wa "Wicca" wapatao 75 wakipinga 'kukashifiwa' umati wa wakazi wa Jonesboro wapatao 2000 waliwazomea wakipiga makelele ya;"You’ll burn in hell!’ "Mtaunguzwa Jehanamu"

Maandamano hayo ya wapagani waliozaliwa upya hatimaye yalidhibitiwa na polisi wa Marekani wapatao 80

Profesa Robi Anderson, ni profesa wa historia katika Chuo Kikuu cha Arkansas State Univerisity, kilichoko jijini Jonesboro. Yeye anayo haya ya kusema kuhusu dhehebu hili;"People believe that if its not Christianity its Satanic" yaani

"Watu wanaamini kuwa kama siyo Ukristo basi ni Ushetani bila ya shaka"

Kwa mujibu wa gazeti la Christian Monitor Science linalochapishwa nchini Marekani, dhehebu la "Wicca" sasa linasambaa kwa kasi na limeanza kujipenyeza Afrika Magharibi na Mashariki ambapo Kenya ni moja ya nchi zilizotajwa kuwa nalo, na hakuna ajuaye huenda wapo Tanzania pia.

JE WAJUA HAPO ZAMANI RUNGU LILITUMIKA KAMA SINDANO YA GANZI?

Kabla wagonjwa waligongwa kwa nguvu kichwani ili wazirai kabla ya kufanyiwa operesheni

HAPO zamani kabla dawa ya kutuliza maumivu wakati wa kumfanyia mgonjwa upasuaji haijavumbuliwa wagonjwa walihisi maumivu makali kwani walifanyiwa huduma hiyo pasipo kuchomwa dawa yoyote; wakilia na kupiga mayowe yaliyojaza chumba kizima cha upasuaji michirizi ya damu iliwarukia madaktari waliotoa huduma hiyo na hata kusambaa chumbani kutokana na kujirusha rusha kwa mgonjwa.

Kulingana na kitabu cha historia kiitwacho "Who did it first" kilichoandikwa na Prof. G. C. Thornley mwenye shahada ya juu ya Phd. katika historia vijana wenye nguvu walihitimiza juu ya meza anapofanyiwa upasuaji.

Cha kushangaza na kuogofya zaidi ni kuwa wagonjwa walioneshwa kuwa waoga na wasumbufu waligongwa na kitu sehemu maalum kichwani ili wazirai halafu daktari akawafanyia upasuaji kwa haraka kabla hawajazinduka pindi walipozinduka kabla ya operesheni haijaisha walijikuta wako kwenye maumivu makali kiasi cha kuwapelekea kulaani ni kwa nini walizaliwa duniani wawe hai kuhisi maumivu hayo.

Profesa Thornley anasema kuwa watu wa kwanza kugundua dawa ya kutuliza maumivu wakati wa upasuaji walikuwa ni Wachina .

Dawa hizi za kienyeji zilizodhaifu na zisingeliweza kumtulizia mgonjwa maumivu inavyotakiwa pia zilikuwa na madhara yake kwani kama ulitumia nyingi kwa makusudi ili mgonjwa asiumie, zilimzidi nguvu na kumuua pia kama ulituma kidogo hazikufaa kitu na mgonjwa alihisi maumvu maradufu.

Baada ya mwaka 1970 Joseph Priestley, kwa mara ya kwanza alivumbua gesi iliyofikiriwa ingelifaa kutumiwa kwa kazi hii. Gesi hiyo ndiyo ile ambayo leo yaitwa "Laughing gas" kwa zaidi ya miaka 30 toka Priestley aivumbue hakuna mtu aliyeitilia maanani.

Lakini mwaka 1800, Sir. Humphry Davy aliweza kuthibitisha faida zake hata akaipa jina ambalo imedumu kuitwa hivyo hata leo "Nitrous Oxide" Sir. Humpherey alipendekeza kuwa gesi hiyo ingefaa kutuliza maumivu wakati wa upasuaji lakini miaka ikazidi kuyoyoma huku kukiwa hakuna daktari aliyechukua hatua za kuitumia kwenye upasuaji.

Lakini kunako mwaka 1824, Daktari mmoja aitwaye Hichman alisoma kwa makini vitabu vya Sir. Humphery ndipo akaamua kuijaribisha gesi hii kwa mbwa na wanyama wengineo.

Akaibuka na matokeo mazuri sana lakini Hichman akafa angali kijana katika umri wa miaka 29 tu.

Baada ya hapo gesi hii iliyojulikana kama "Laughing gas" au "Gesi ya vicheko" ilianza kutumiwa kwenye kumbi za dansi huko Marekani; waliipuliza wakati wa kucheza muziki, ikawalewesha na kuwapelekea kucheka hovyo na kufurahi sana.

Lakini mtu mmoja aitwaye Horace Wells alienda katika ukumbi mmoja wapo wa dansi akawachunguza vijana wale kwa makini na kugundua kuwa walipokuwa wakicheka walikuwa pia hawahisi maumivu hata wakijigonga kwenye vitu.

Horace Wells aliamua kuifanyia gesi hiyo majaribio mwilini mwake. Yeye mwenyewe alijipulizia gesi hiyo ikamlewesha kisha akamwambia rafiki yake amng’oe jino lake moja na huyo rafikie akafanikiwa kumfanyia Horace huduma hiyo pasipo kuhisi maumivu yoyote.

Horace Wells alianza kujivunia ugunduzi wake kote katika Marekani lakini alisahau kitu kimoja kuwa hakuwa na hakika ni kipimo kiasi gani kilihitajika cha gesi ili mtu asisikie maumivu anapong’olewa jino.

Alienda katika shule moja na kauwafanyia wanafunzi majaribio ya kuwang’oa meno kwa kutumia gesi hiyo lakini kila mwanafunzi aliyemfanyia jaribio hilo alilalamika kuwa anahisi maumivu makali .

Well aliamua kurudia jaribio lake kwa mwanafunzi mmoja akidhani kuwa safari ya kwanza labda aliwapa dozi ndogo ya gesi.

Lakini safari hii alijisahau akampulizia gesi kupita kiasi mwanafunzi huyo akafa palepale wakati akimfanyia majaribio.

Tukio hilo lilimchanganya akili Bw. Horace Well aliyependa kusifiwa.

Hivyo Well akapagawa na akachukua hatua ya kujiua mwenyewe kufuatia jaribio lake kushindwa.

Baada ya kifo cha Well daktari mmoja bingwa wa majaribio ya kisayansi aliyeitwa J.Y. Simpson aliona upo umuhimu wa kuiendeleza dawa ya gesi, iliyowashinda wataalam wengi kukamilisha na ni yeye ndiye aliyekuja kufanikiwa kutengeneza dawa ya kwanza ya kupunguza maumivu wakati wa upasuaji.

Simposon alizaliwa katika familia ya wazazi maskini sana lakini mama yake mzazi alitaka kuona mwanaye anakuwa na maisha mazuri siku za usoni.

Walimpeleka katika Chuo Kikuu cha Edinbugh ambako aliweza kusomea shahada zote za juu kabla ya kuamua kujitosa kwenye fani ya Udaktari.

Wakati huo daktari mmoja aitwaye Robert Liston alifanikiwa kumfanyia mgonjwa operesheni ya kukata mguu jijini London kwa kutumia dawa yake iitwayo "Either" Dk Liston alitumia dakika 26 kumkata kabisa mgonjwa huyo mguu naye hakuhisi maumivu hata kidogo.

Simpson alisikia habari za operesheni hiyo hivyo akafunga safari kutoka Edinburgh mpaka London kwenda kuchukua "Either’ aje aifanyie majaribio yeye mwenyewe alifanikiwa kuipata na akarejea nayo jijini Edinburgh ambako yeye na marafiki zake wawili; Duncan na Keih walitumia kwa kuifanyia majaribio gesi hiyo.

Mwanzoni Simpson alitaka kuutumia mwili wake yeye mwenyewe kujaribu gesi hiyo lakini, rafiki zake wakamshauri aijaribishie kwa wanyama kwanza. Hivyo alimjaribishia mbwa naye akazidiwa na kufa.

Baada ya kuifanyia utafiti kwa karibu mwaka mzima Simposon na marafiki zake wawili walijaribisha dawa ya Simposon aliyoiita "Chloroform"na ikamlewesha Simpson mwenyewe kiasi kwamba akajikuta amedondoka uvunguni mwa meza.

Halafu Simposon akarudiwa na fahamu akamuona mwenzake Dk. Duncan akiwa uvunguni mwa kiti akiwa hoi amepoteza fahamu na kuacha mdomo wazi baada ya kuzidiwa na "Chloroform".

Dk. Keith naye pia alikuwa akijikokota baada ya kurudiwa na fahamu.

Hapo ndipo Simpson akajikuta amegundua dawa ya kutuliza maumivu wakati wa upasuaji dawa hii ya "Chloroform"aliyoigundua Simpson ndiyo inayomudu kutumika mahospitalini wakati wa upasuaji hata leo. Haikuwa lelemama hivyo kufikia uvumbuzi huo.

PESA HAINA THAMANI TENA...

Msanii atumia noti kutengeneza ndege za kuchezea watoto

"Aonyesha sanaa zake hadharani kwenye kipindi cha Televisheni"
"Benki Kuu yamuonya vikali

PESA hukosa thamani lakini heshima yake hulindwa na kubakia palepale. Pesa zinapokosa thamani kiasi cha noti kutumika kuchambia chooni na kutengeneza ndege za kuchezea watoto basi hapo tena ni makubwa.

Watu wote walioketi karibu na televisheni zao jijini Brasilia mji mkuu wa Brazil hawakuamini macho yao kuona msanii aliyebobea kwa kuonesha michezo ya watoto akitumia noti za pesa ya nchi yao "Cruzeiro"kutengeneza ndege za kuchezea watoto kisha kuzionesha kwenye kipindi cha televisheni ya taifa .

Tukio hilo la aina yake siyo kuwa liliwaacha hoi wananchi wa Brazil peke yao, bali hata Gavana wa Benki Kuu ya nchi hiyo alichukuwa hatua za kuwasiliana na msanii huyo kwa njia ya simu papo hapo.

Silvio Santos ni msanii anayeheshimika sana nchini Brazil na aliyejizolea sifa kemkem, amelitangaza jina la Brazil hata nje ya mipaka ya nchi hiyo.

Kwa mantiki hiyo, hakuna aliyetarajia kuwa Santos angelifedhehesha nchi yake kiasi hicho. Kwa kuheshimu mchango wa Santos katika sanaa nchini humo, Gavana wa fedha alimwambia aache mara moja utovu wake wa nidhamu vinginevyo wangelimchukulia hatua kali mara moja.

Lakini Mac. Margolis mwandishi anayeandikia jarida mashuhuri Brazil la "Veja Journal", anasema kuwa ‘watu hawa wanamuonea Santos tu’

Mwandishi huyo anasema kuwa uchunguzi alioufanya kwenye mitaa mbalimbali ya Brasilia hususan maeneo ya madogo, wananchi walijawa na ghadhabu kufuatia kushuka sana kwa thamani ya pesa yao na sasa hawaithamini tena pesa hiyo inayoitwa "Cruseiro"

alishuhudia walevi kwenye vilabu vya usiku vichochoroni wakitumia pesa hiyo kwa kuchambia chooni; akina mama wanaouza bidhaa walitumia noti hizo kuwafungia wateja wao bidhaa walizonunua na hata watu wengine wakizitumia kufuta vumbi kwenye madirisha ya nyumba zao na mbaya zaidi ni wauzaji wa madawa ya kulevya aina ya "Cocaine" ambao wanatumia pesa hiyo ya Brazil kufunga madawa hayo ya kulevya.

Je, ni kwa nini "Cruzeiro" idharaulike kiasi hicho? Wachunguzi wa mambo kwa karibu huko Brazil wanasema thamani ya pesa ya nchi hiyo imeshuka kiasi kwamba ilifika wakati mmoja ambapo pesa ya Brazil ingeliweza kushindanishwa thamani yake na pesa ya Jamuhuri ya Kidemorasia ya Congo Kinshasa na pesa ya Bosnia peke yake. kiwango cha kushuka kwa pesa ya Congo Kinshasa inajulikana kwani katika nchi hiyo baada ya kifo cha Hayati Joseph Mobutu Seseseko Kuku wa Zabanga wakazi wa kijiji anachotokea cha Gbadolite wamekataa kutumia pesa mpya ya serikali ya sasa badala yake wanatumia ile ile ya wakati wa Mobutu.

Kwenye mtaa mmoja wa mji mkuu wa Brazil wa Brasilia, mwanamke muuzaji wa bidhaa ametandaza makaratasi lukuki na sarafu zisizo idadi hakika huwezi kutofautisha ipi ni pesa na ipi ni bidhaa.

Kwani noti za "Cruzeiro"zimelaliana kiasi cha kuwekwa katika mafungu mafungu mithili ya nyanya.

Nako vichochoroni unakopita penye mitaa ya miji mikubwa ya Brazil kama Rio-de-janeiro na Salam siyo jambo la ajabu kwa wakazi wa huko kukutana na noti za "Cruzeiro"zilizotupwa mithili ya takataka.

Bei za bidhaa ikiwemo vyakula hupanda maradufu karibia kila mwezi nchini humo. Wapo wafanyabiashara ambao sasa wameacha kutumia "Cruzeiro"na badala yake wanatumia Dola za Kimarekani na Paundi ya Uingereza peke yake.

Mtu anayeenda kununua shati moja dukani huko Brasilia, hana budi kubeba kikapu kizima cha noti.

Ni katika hali hiyo ndiyo msanii Silvio Santos; liwalo na liwe akaamua kuithibitishia serikali yake kuwa ni kwa kiasi gani pesa yao ni feki.

Naye akaona yafaa kutengeneza ndege za watoto tu.

MAGAZETI LEO

MAGAZETI YA LEO JUMANNE APRIL 16, 2013